ಕುಕ್ಕರಹಳ್ಳಿ ಕೆರೆಗೆ ಒಂದು ಸುತ್ತು....

ಮೈಸೂರಿನ ಮಾನಸಗಂಗೋತ್ರಿಯ ಆಂಚಿನಲ್ಲಿರುವ ಕುಕ್ಕರಹಳ್ಳಿ ಕೆರೆಯು ಬೆಳಗ್ಗಿನ ವಾಯುವಿಹಾರಕ್ಕೆ ಬಹಳ ತಕ್ಕುದಾದ ತಾಣ. ಸುಮಾರು ೬೨ ಎಕ್ರೆಯಷ್ಟು ವಿಸ್ತಾರದಲ್ಲಿ ಹರಡಿರುವ ಈ ಕೆರೆಯ ಏರಿ ಮೇಲೆ ನಿಧಾನವಾಗಿ ನಡೆಯುತ್ತಾ  ಒಂದು ಸುತ್ತು ಹಾಕಲು ೪೫ ನಿಮಿಷ ಬೇಕು. ಕೆರೆಗೆ ಒಂದು ಸುತ್ತು ಹಾಕುವಷ್ಟರಲ್ಲಿ ೩.೨ ಕಿ.ಮಿ. ದೂರ ಕ್ರಮಿಸಿರುತ್ತೇವೆ.

ಮರಗಳ ನೆರಳಿನಲ್ಲಿ, ಅಲ್ಲಲ್ಲಿ ಕಾಣಸಿಗುವ ವಿವಿಧ ಪಕ್ಷಿಗಳನ್ನು ವೀಕ್ಷಿಸುತ್ತಾ ನಡೆಯುವ ಅನುಭವ ಬಹಳ ಚೇತೋಹಾರಿ.

ಕೆರೆಯ ಮಧ್ಯದಲಿರುವ ಪುಟ್ಟ ದ್ವೀಪದಲ್ಲಿ ಕೊಕ್ಕರೆಗಳು ಸ್ವಛ್ಚಂದವಾಗಿ ಹಾರಾಡುತ್ತಿರುತ್ತವೆ.